MYMBA HA MITÂMIMI
Ohai: David Galeano Olivera
Leer original (hacer clic) en (https://lenguaguarani.blogspot.com/2020/05/mymba-ha-mitamimi.html)
Oîniko peteî tava’i iporâitereíva henyhêva pajégui. Upépe, peteî oga’ípe, oiko hikuái Tani, Peru, Kande, Kalo, Kame ha Pali ha’éva mitâmimi hesâi, imarangatu ha isarakíva. Existe un hermoso pueblito lleno de hechizos. Allí, en una casita, viven Tani, Peru, Kande, Kalo, Kame y Pali que son niñitos sanos, buenos y traviesos.
Iñipytûvo, ñasaindy resapépe, oñepyrûma ojehu umi mba’e ipajepáva. Umi poteî mitâmi vy’apavê reheve oñembosako’íma hikuái oútagui hendapekuéra iñangirûnguéra, mymbamimi hekomarangatúva, upe aravópe oñe’ê ha oikóva mitâmimícha. Al anochecer, bajo la luz de la luna, empiezan a ocurrir los hechizos. Los seis niñitos muy felices se preparan para recibir a sus amiguitos, unos animalitos muy buenitos, que a esa hora hablan y se comportan como los niños.
Umi angirû’i niko Omi, ha’éva tahýi; Kuka, ha’éva tarave; Pépe, ha’éva kururu; Míchu, ha’éva mbarakaja ha Guauguáu, ha’éva jagua. Oñomomaitei rire, oñepyrûma hikuái oñembosarái, oha’â tuka’ê hamba’e ha upéi oguapy mesa jerere ha okarupyhare py’arorýpe. Esos amiguitos son Omi, la hormiga; Kuka, la cucaracha; Pépe, el sapo; Míchu, el gato y Guauguáu, el perro. Luego del saludo, empiezan a jugar, entre ellos al tuka’ê y luego se sientan alrededor de la mesa y cenan con alegría.
Og̃uahêvo pyharepyte angirûmi oje’ói ha opa pajemi, mitâ ha mymbamimi oñeno ha oke ha ohecha iképe tupârembiguaimimi. Y a la medianoche los amiguitos se retiran y termina el hechizo, los niñitos y los animalitos se acuestan y duermen y sueñan con los angelitos.
Opa umi mba’ére niko Tani, Peru, Kande, Kalo, Kame ha Pali ohayhu ha oñangareko mymbamimíre. Por esa razón es que Tani, Peru, Kande, Kalo, Kame y Pali aman y cuidan a los animalitos.
Ha upépe opa ko mombe’u’i…Y allí terminó este cuentito…
ooo000ooo
Ver YOUTUBE, en (https://www.youtube.com/watch?v=mgU32k9IJ8I&t=51s)
Leer MITÂMIMI MARANGATU, en (https://lenguaguarani.blogspot.com/2020/05/mitamimi-marangatu-ninitos-buenos.html)
Leer MBA’EPOTA, en (https://lenguaguarani.blogspot.com/2019/01/mombeu-mborayhu-david-galeano-olivera.html)