MBORIAHU PÓNCHO
Ohai: David Galeano Olivera
Leer original (hacer clic) en (http://cafehistoria.ning.com/profiles/blogs/mboriahu-p-ncho)
Leer también en (http://lenguaguarani.blogspot.com/2016/06/mboriahu-poncho_12.html)
Asimismo leer en (https://dgaleanolivera.wordpress.com/2016/06/12/mboriahu-poncho/)
Ange pyhare
Opaite henda rupi
Ro'yeterei
Heta tapicha
Ko ñane retâme
Ohasa asy
Umívako hína
Akóinte oikóva
Mboriahu poguýpe.
Aravo ohasa ha
Péinama iko'ê,
Tataypy jerére
Ogaygua oguapy
Jepe'e porâme
Ha ka'aymíre
Ombyaku hete ha
Ro'y ombotavy.
Upéi mbeguemi
Amo ararembépe
Jahecha osê
Mba'e neporâva
Kuarahy rendy
Ojupijupi ha iñapysê
Upévango hína
Mboriahumi póncho
Ipytu rorýpe
Ro'y ombohasáva
Ha ombohetia'éva
Mayma tapichápe.
Ajéiko iporâ
Ko'âicha jave
Kuarahy pytu
Kuarahy mimbi
Kuarahy vera
Kuarahy jajái
Mboriahu irû
Mboriahu jarýi
Mboriahumi póncho.
Kuarahýngo hína
Amo hapoitépe
Tesâi reruha.
Kuarahy rupi
Ro'y ohasa
Ro'y itîndy
Ro'y itapykue...
Pyhare peve.
ooo000ooo
Leer TUPÂ, en (http://lenguaguarani.blogspot.com/2016/06/tupa_12.html)